اسلام آباد (رپورٹ: شاہ علی فرزند): وفاقی دارالحکومت کے تھانہ ہمک کی حدود میں ایک لرزہ خیز واقعہ پیش آیا ہے، جہاں گھریلو ناچاقی کے باعث ایک سابق پولیس کانسٹیبل نے اپنی ٹک ٹاکر بیوی کو قتل کرنے کے بعد خودکشی کر لی۔
واقعے کی تفصیلات:
پولیس ذرائع کے مطابق یہ افسوسناک واقعہ ہمک کے علاقے لنگنم ٹاور کے قریب پیش آیا۔ مقتولہ کی شناخت ثنا جاوید کے نام سے ہوئی ہے، جو سوشل میڈیا (ٹک ٹاک) پر 'آؤٹ لوفرہ' کے نام سے مشہور تھیں۔ ثنا جاوید کا تعلق بنیادی طور پر اٹک سے تھا اور وہ ان دنوں اسلام آباد میں مقیم تھیں۔
ملزم کا پس منظر اور پولیس کارروائی:
مقدمہ کے متن کے مطابق مقتولہ کے شوہر کا نام محمد صادق تھا، جو اٹک پولیس میں کانسٹیبل تعینات رہ چکا تھا لیکن بعد میں اسے ملازمت سے برخاست (Dismiss) کر دیا گیا تھا۔ پولیس کو جائے وقوعہ سے 9 ایم ایم کا پستول اور تین عدد گولیوں کے خول ملے ہیں، جنہیں تحویل میں لے لیا گیا ہے۔ ابتدائی تحقیقات کے مطابق صادق نے پہلے اپنی بیوی کو گولی ماری اور پھر اپنے سر میں فائر کر کے اپنی زندگی کا بھی خاتمہ کر لیا۔
No comments:
Post a Comment